ليش بنقول كل ساعه زهقانين ومالين؟؟!!

ليش بنقول كل ساعه زهقانين ومالين؟؟؟؟؟؟؟؟

لماذا......... نقول احيانا احنا
تعبانين وزهقانين ومش عارفين شو نعمل وله مش عارفين ندرس حاسين بملل وليش
بتملكنا احساس بالخوف والضعف والقهر

او احيانا حدا بزعلنا وبضايقنا وبكره الدنيا للحظات وبنكره كل اشي حولينا
شو يعني ليه الحياة صعبه هيك والله مش سهله خصوصا لما نكبر وتكبر مسؤوليتنا

وعلينا ان نتحمل صعوبات والام ونقاسي ونتعب واحيانا بوصل الواحد لدرجه ما
يحب يشوف حدا او يسمع اي كلمه اخلاقه بتديق وبشوف الدنيا سوده امام عيونه
او انو حدا خانه او حكى عليك وانت واثق فيه واو اعطيته اغلا شي عندك
وبعدين بغلط في حقك وبكون احقر انسان شو يعني واحيانا نتمنى الموت اه

لكن هيك ما بنفع .......... والله الحياة
حلوه وجميله واحنا اللي بنحليها
واحنا اللي بنخليها نكد علينا واقطع من جهنم بحد ذاتها
شو انسى وكب كل اشي ورا ظهرك وانا بقول دائما
اسمع وطنش ولا تهتم ما في اشي بستاهل والله ليش تهم حالك
الناس هالايام تغيرو كل واحد بحب نفسه ومصلحتو ما بعرف كيف بفكرو
انا بكره الخباثه والفتنه وانو توثق في حدا ويخونك
لكن خلص لما بعرف الواحد على حقيقتو .............شو بعمل
ولا اشي بقولو الله يسامحك بس انت خسرتني وما رح اقاطعه لكن بعرف كيف اعامله
انا بحب احفظ الامانه واذا حد امني على سر مستحيل اخون مستحيــــــــــــــل

شو يعني الصداقه ؟ الاخوه؟ ما الها معنى اليوم شو ؟؟؟؟؟؟؟؟؟

لا لازم نصحى كلنا احنا اخوه واهل وناس ومسلمين عنا دين
ليش بنعامل بعض هيك؟ شو لوين بدنا نوصل

ما في حب بيناتنا اصلا لما يروح الحب خلص ما في اخوه وامانه وثقه وحنان

يا ريت نغير حالنا من الداخل قبل ما نهتم بشكلنا الخارجي
انا هاد راي ما بعرف كيف كل واحد بفكر
الدنيا ماشيه ومحسوبه علينا وكل يوم بمر من عمرنا بنقص ومسجل في كتاب
بتمنى الكل يحاول يغير حالو للاحسن والله ما في اشي بستاهل
كلنا تعبانين نفسيا وماديا ومن كل النواحي لكن حياة وبدنا نرضى في اللي كتبو ربنا
صح اخوتي؟ اريد من كل واحد يحكي بصراحه تامه ويعتبر حالو بحكي وبشكي
لاصدقائه في المنتدى ويا رب يبعد عنا الهم شو بيدنا غير نصبر ونصبر ونصبر
اخوتي اجعلو قلبكم كبير انسو الهم وفكرو منيح وسامحو ولا تقلقو بكلام حد
طالما انكم واثقين بانفسكم وكلام الناس لا بقدم ولا ياخر كلو بس من الغيره
والقهر وما بحبو الخير لبعض مش الكل خلينا مناح طابع الطيبه يغلب طابع الكراهيه
ولانانيه والكره والخباثه والله على ما اقول شهيد

دمتم بود

جريح الصمت