شوفو الفرق بين البنات والشباب في الفسحة ؟؟؟

شوفوا الفرق بين البنات والشباب في الفسحة

اولاً البنات :

اول ما يرن جرس الفسحة

- تشوف شلة بنات داخليين الحمام .. اللي تعدل شعرها والثانية تعدل كحلها وكل وحدة منهم تتكلم عن اللي سوته في اخوها الصغير امس ..

- كل بنت تمشي وفي بمخباتها ( شكولاته ) واذا عطيتها شبس تقولك : سوري .. انا مسوية ريجيم .. ( الله واكبر ) ..اول ماترجع البيت على طول تطلب من البقالة الي على الشارع ...

- والبنات الدافورات اول مايرن الجرس تشوفها داخلة غرفة المدرسات تبي الابلة تشرح لها الدرس اللي كانت رفيقتها غايبة فيه ..

- وبعض البنات تشوفهم متحذفين ورا اللوكر يحلون واجب الرياضيات اللي ماحلوه في البيت ..

- اما الاهم .. تشوف بعض البنات يستأذنون من الحصة قبل البريك بثلاث دقايق ويجرون ع الكافتيريا –يحجزون لهم مكان – واول مايرن الجرس الاكل كله مخلص مافيه إلا العصير يتخاصمو البنات عليه واخرتها يطلع خربان ......

خلونا من البنات وانروح انشوف إش يسوووا الشباب في الفسحة ..

- تحصل واحد منهم جالس طول الحصة واول مايرن الجرس يدعي على اليوم اللي دخل فيه المدرسة ( لان حلمه انقطع بسببهم )

- واثنين من الأولاد ينتظروا متى يروح المدير اللي صار له واقف ساعة قدام الصف واول مايتحرك خطوتين يشلون شلايلهم وينطوا من الشباك ويشردوا من المدرسة
ويمروا على كم بقالة في طريقهم وبعد نص ساعة يرجعوا المدرسة ..

- وشلة تروح ورا المدرسة ويتموا يدخنوا لحين ما يقولوا بس وما امداهم يشفطونها الا واحد كشخة رايح يفتن عند المدير وما يوعوا الا المدير حابسهم في غرفة الاحتجاز ويتصل على ابواتهم...

- اما واحد تشوفه فارش سترته على الارض ويكمل نوم ( لان طول الليل جالس يشوف فلم ويلعب سوني)

تحياتي